اہل بیت(ع) نیوز ایجنسی ۔ ابنا ۔ کی رپورٹ کے مطابق شامی فوج نے حلب کے شمالی مضافاتی علاقوں کفرحمرا، ملاح اور کاستیلو شاہراہ پر فضا اور زمین سے شدید حملے کئے- ان حملوں کے دوران روسی فضائیہ نے بھی شامی فوج کا ساتھ دیا - العالم نے خبردی ہے کہ شامی فوج کے حملوں میں دہشت گردگروہ جیش الفتح کے ایک سو ستر سے زائد دہشت گرد ہلاک ہوئے ہیں- خبروں میں کہا گیا ہے کہ شامی فوج حلب کے مضافاتی علاقوں میں دہشت گردوں کے خفیہ ٹھکانوں پر مسلسل حملے کررہی ہے - العالم کی رپورٹ میں کہا گیا ہے کہ شامی فوج رات کی تاریکی میں دہشت گردوں کی نقل و حرکت پر نظر رکھ کر ان کے خفیہ ٹھکانوں کا پتہ لگالیتی ہے اور اس کے بعد ان پر شدید حملے کرتی ہے - خبروں میں کہا گیاہے کہ حلب کے مضافاتی علاقوں میں بڑی تعداد میں دہشت گردوں کے ہلاک ہونے کے سبب دہشت گرد گروہوں کے اندر سراسیمگی پھیل گئی ہے- شامی فوج کے تازہ ترین حملے میں جبہہ النصرہ کا ایک اہم کمانڈر ابوزبیر بھی ہلا ک ہوگیاہے جس کا تعلق صومالیہ سے تھا۔
۔۔۔۔۔۔۔
/169
